Rơwang tal I thun 2026, kual ter hang ia rơsĭ gah Ngŏ tơring čar Dak Lak tŏ tui pơđĭ kyar hơđong, giăm 8%, hăng abih tih rơnoh pơhrui giăm 1.500 klai prăk. Bruă sĭ mơdrô, bơwih bơwang hăng tuai čuă ngui pơplih klă, čơkă giăm 150.000-200.000 wŏt tuai, pơhrui rơbêh 200 klai prăk.

Đĭ pơhiăp amăng mông mă bruă, ơi Đỗ Hữu Huy, Khua Jơnum min mơnuih ƀôn sang tơring čar Dak Lak lăi pơtong, kual ter hang ia rơsĭ gah Ngŏ lĕ kual pơđĭ kyar akŏ phun, jing anih pơđĭ kyar phun amăng tơring čar amăng rơwang phrâo. Kiăng kơ mă yua klă hơdôm tơlơi gal, tơlơi rơkâo lĕ đing nao pơsir hĭ hơdôm anŏ gun glăk ngă tơnap amăng pơđĭ kyar.