Tal blung a tơdơi kơ rơbêh 50 thun, 92 tơhan đah kơmơi pơnah kơnông Thủ Dầu Một pơbưp glăi
Thứ năm, 08:00, 30/04/2026
VOV/Siu Đoan Pơblang
VOV/Siu Đoan Pơblang
VOV.Jarai-Amăng hrơi mông hok mơ-ak anăp nao tal hơdor glăi 51 thun hrơi pơklaih rơngai kual Dơnung, pơlir lŏn ia ta jing sa, mông pơbưp ngă ol kơdol pran jua hơmâo pơphun ƀơi phường Thủ Dầu Một, ƀôn prong Hồ Chí Minh. Tal blung a, ƀing tơhan đah kơmơi amăng 5 grup tơhan đah kơmơi pơnah kơnông tơring čar Thủ Dầu Một amăng rơnuk blah ayăt Mi dưi pơbưp nao rai.
Anai lĕ bruă mă yôm phăn yua grup gru grua blah wang ƀôn prong Hồ Chí Minh gum hrŏm pơphun. 92 čô mơnuih nao pơbưp ƀô̆ mơta, anai lĕ ƀing tơhan đah kơmơi mơng hơdôm anih anom: Tân Uyên, Dầu Tiếng, Bến Cát, Thuận An hăng Châu Thành.
Amăng rơnuk blah wang kơtang tit, ƀing tơhan đah kơmơi glăk thun dŏ dra, nao djă phao kơtuang blah ayăt, ba glăi lu tơlơi dưi prong, pơgôp kơđŏm glăi tơlơi bơngač amăng bruă pơklaih rơngai lŏn ia, pơlir lŏn ia jing sa. Lơm amŭ kô̆, tơkai kơtư̆, samơ̆ lăi nao rơnuk “huăi amăng glai, pit amăng čư̆”, mơta ƀing gơñu ăt rơđah bang kơ pran pơ-ư ang.
Viết bình luận