Ƀơi mông bưp, lăi dlăm tơlơi rô nao rai giăng mah, laih anun tơlơi pơmin tơpă hơnong mơ̆ng Ping gah, Kơnuk kơna Việt Nam amăng bruă djru hlâo tơlơi rô nao rai, ngă hrŏm hăng čar Khač, Khua dêh čar ơi Phạm Minh Chính čang rơmang dua bơnah pơtruh nao rai, gum pơgôp, kjăp tui tơlơi kơnang nao rai, pơtrut ngă hrŏm amăng djŏp bruă, djru tơdruă gum đĭ kyar.

Kơ bruă ngă hrŏm pơ anăp, Khua dêh čar ơi Phạm Minh Chính kiăng dua bơnah pơtrut sĭ mơdrô dưm kơnar, mơak hlak, hơđong kjăp, pok bah amăng prong hloh kơ gơnam mơ̆ng hmua akan hơdang hăng hlô rông mơ̆ng Việt Nam, pơplih prong gah anih anom jơlan nao rai, kiăng ngă hlâo gah bruă pơkra jơlan rơdêh treng đah mơ̆ng pơtruh 2 boh dêh čar hăng kual Ngŏ Dơnung ASIA, Tong krah ASIA, kual Mi Kô̆; pơtrut hloh ngă hrŏm gah apui ayuh, prăk kăk; ngă hrŏm gru grua, čuă ngui, ngă gêh găl bruă mut tơbiă kơ ƀing tuai mơ̆ng dua bơnah./.