VOV.Jarai - Tlam lơ 11/9, Grup mă bruă mơ̆ng Kơnuk kơna yua Kơ-iăng khua dêh čar ơi Hồ Đức Phớc ngă Khua grup hơmâo ngă bruă hăng ƀôn prong Hải Phòng kơ pơklaih brơi tơlơi gun, pơsir brơi tơlơi tơnap, amăng bruă pơkra gơnam sĭ mơdrô, ba sĭ gơnam pơ čar rơngiao, man pơdong anih anom, jơlan nao rai, pơtrut đĭ kyar, pơtrut brơi prăk ngă bruă kơnuk kơna jao.

VOV.Jarai - Mơguah lơ 11/9, ƀơi phường Lâm Viên Đà Lạt, Sang hră Ƀing khua Pel ĕp kơđi ngă hrŏm hăng Anom bruă pel ĕp kơđi tơring čar Lâm Đồng pok anih pơtô pơhrăm bruă čơkă mơnuih ƀôn sang nao ngă hră, pơsir hră tơgŭ kơđi.

VOV.Jarai-Tom brơi (11/9), Khua wai lăng kual bơwih ƀong huă hăng hơdôm kual tuh tia pơkra ming tơring čar Khánh Hòa pơphun jao hră pơsit tŭ yap anom bruă tuh pơ alin man pơdong 2 akŏ bruă plơi prong phrâo pơprong ƀơi kual bơwih ƀong Vân Phong.

VOV.Jarai-Sang anih jưh pơ ala dêh čar Việt Nam ƀơi Japan pơphun yôm phăn tal hơdor glăi 80 thun akŏ pơjing Kơnuk kơna dêh čar Cộng hòa xã hội chủ nghĩa Việt Nam

VOV.Jarai-Mơng lơ 11 truh lơ 15/9, grup Khua pơ ala mơnuih ƀôn sang dêh čar Dak Lak pơphun hơdôm tal pel ĕp kơ bruă mă ƀơi gong gai dua gưl hăng bruă pok pơhai akŏ bruă pơđĭ kyar bơwih ƀong huă-mơnuih mơnam thun 2025, hăng hơnong pơkă pơđĭ kyar bơwih ƀong huă 8% pơ glông.

VOV.Jarai-Lăng yom hơdôm boh tơhnal ngă hrŏm tŭ yua giăng mah yom phara plah wah Việt Nam hăng Australia, Khua Lŏn ia Australia, yă Sam Mostyn lăi lĕ, amăng thun 2025, dua boh dêh čar amra pơtrut hrŏm hơbit pơsir hĭ hơdôm tơlơi lông lăng tơnap tap mơ̆ng rơnuk anai

VOV.Jarai-Khua git gai Ping gah dêh čar ơi Tô Lâm lăi pơtong amăng rơwang pơ anăp, Ping gah Khua pơ ala mơnuih ƀôn sang dêh čar kiăng đing nao git gai bruă pơtrut pơjing Ping gah ngă bruă tơpă sit, hơđong kjăp djop mơta, pơplih phrâo jơlan gah git gai tui hơbô̆ bruă phrâo.

VOV.Jarai-3 anih phun amăng tơring čar Lâm Đồng hơmâo: Mũi Né- “kar hăng boh priă kơ bruă bơwih brơi tuai čuă ngui ter hang ia rơsĭ kual Ngŏ dơnung Asia”; Đà Lạt kual pla bơnga-“Kual Mi kô̆ tong krah glai rưng “; Tà Đùng- “Tong wing Hạ Long ƀơi kual Dap kơdư”.

VOV.Jarai-Kơ-iăng khhua Ding jum djuai ania hăng tơlơi đăo Hồ Văn Niên lăi pơtong kơ tơlơi rơkâo ječ lĕ kơtưn wai lăng kơnuk kơna kơ bruă djuai ania, tơlơi đăo, pơhlôm ngă tui hruaih hơbô̆ bruă gong gai ƀon lan 2 gưl, pơlir hăng bruă jao hrưn đĭ tơlơi hơdip mơda, pơhrŏ trun ƀun rin hơđong kjăp brơi mơnuih djuai ania ƀiă.

VOV.Jarai-Dua bơnah tŭ ư pok pơhai kơtang amăng bruă djru hơdai gum hrŏm pơđĭ kyar bơwih ƀong huă, anăp nao tơhnal pơkă prăk sĭ mơdrô pơhrui glăi truh 20 klai USD hăng đĭ hloh dua wơ̆t tuh pơ alin dua bơnah amăng hơdôm thun pơ anăp.