Mông Jơnum pơtŏng glăi bruă ngă hrŏm rơwang thun 2021-2025, laih dong pơsit jơlan ngă bruă thun 2026-2030. Thun blan rơgao, tơlơi ngă hrŏm plah wah Gia Lai hăng hơdôm boh tơring Dơnung čar Lao đĭ kyar hlom bôm, hơmâo lu boh tŭ yua.

Gia Lai hơmâo brơi 320 anung prăk hrăm hră, rim thun hơmâo rơbêh 100 čô čơđai mơ̆ng čar Lao hrăm ƀơi Gia Lai. Kơ bruă tuh pơ alin, 15 anom bơwih ƀong Gia Lai pok pơhai kơčăo bruă ƀơi Dơnung čar Lao hăng rơbêh 595 klăk USD. Tơring čar ăt djru năng ai 60 klai man pơdong ring bruă ngă giăng mah. Ƀơi mông jơnum, khua mua tơring čar Gia Lai hăng khua mua 4 boh tơring čar Dơnung čar Lao kĭ Hră hơdor pioh ngă hrŏm rơwang thun 2026-2030, hăng tơlơi pơmin kiăng ngă hrŏm hlom bom, pơƀut amăng bruă ia jrao, pơtô hrăm, ngă hmua, sĭ mơdrô, tuh pơ alin, ngui ngor gru grua hăng đĭ kyar čơkă tuai hyu ngui.