VOV4.Jarai - Mơguah lơ 3/6, Khua git gai pơ ala mơnuih ƀon sang dêh čar ơi Trần Thanh Mẫn pok phun mông Jơnum tal 46 mơ̆ng Jơnum min apăn bruă Khua pơ ala mơnuih ƀôn sang, lăi rơđah bruă čih giong tơlơi phiăn kiăng pơtrut pran jua phrâo kơ pơđĭ kyar hăng pơhlôm mă yua ba glăi bôh tơhnal jơlan mă bruă kơnuk kơna.

VOV4.Jarai-Mơguah lơ 2/6, ƀơi plơi prong Ƀuôn Ma Thuôt, Dak Lak, anom bruă pơhlôm nua bruă mơnuih mơnam BHXH Việt Nam jơnum jao hră pơsit pơđĭ bruă hăng mơnuih apăn bruă kơ anom bruă pơhlôm nua bruă mơnuih mơnam kual XXVI, jing anih anom phrâo, sang anai dưi akŏ pơdong pơmut dua boh sang bruă pơhlôm bruă mơnuih mơnam tơring čar Dak Lak hăng Phú Yên.

VOV4.Jarai - Lơ 2/6, Khua Ding jum Kông ang hmâo kĭ mă yua tơlơi pơsit jao Đại tá Lê Hữu Tuấn, Kơ-iăng Khua Kông ang tơring čar Dak Lak, gơgrong bruă Kông ang tơring čar.

VOV4.Jarai - Čơtlăm lơ 2/6, ƀơi Kon Tum, Khua git gai Ping gah dêh čar ta ơi Tô Lâm mă bruă hăng Grŭp apăn bruă Ping gah tơring čar Kon Tum hăng Grŭp apăn bruă Ping gah tơring čar Quảng Ngãi, pơsit bruă ngă tui Tơlơi pơtrun pơsit Ping gah dêh čar, dưm dăp bruă čar, pơđĭ kyar bơwih ƀong – mơnuih mơnam, pơhlôm pơgang lŏn ia – rơnuk rơnua plơi pla hăng bruă hơđong tơlơi hơdip mơda mơnuih mơnam.

VOV4.Jarai - Mơguah lơ 2/6 ƀơi Gia Lai, Khua git gai Ping gah dêh čar ta ơi Tô Lâm ba jơlan hlâo grŭp hyu mă bruă mơ̆ng Ping gah dêh čar nao čuă hăng git gai mông mă bruă hăng Grŭp apăn bruă Ping gah tơring čar Gia Lai hăng Ping gah tơring čar Bình Định kơ tơlơi ngă tui Tơlơi pơtrun pơsit Jơnum tal 11 Grŭp mă bruă Ping gah dêh čar tal 13 mơ̆ng 2 tơring čar.

VOV4.Jarai - Gơnong bruă pơtô pơhrăm tơring čar Kon Tum brơi thâo, bruă ruah čơđai đĭ anih 10 thun anai dưi hmâo tơring čar pơphun tañ hloh sa blan pioh pơhlôm ngă tui hơdră pơtrun dưm dăp, pơphun glăi anom mă bruă čar hơdôm gưl.

VOV4.Jarai-Mơguah lơ 2/6, ƀơi Ƀirô mă bruă, Khua mir sir ơi Lương Cường-Khua khul pơgang rơnuk rơnua git gai Jơnum tal 6 Khul pơgang rơnuk rơnua rơwang thun 2021-2026.

VOV4.Jarai - Ƀơi tơring glông Čư̆ Păh, tơring čar Gia Lai, Khul hlăi ai Cộng sản Hồ Chí Minh hmâo pơphun ngă Lơphet pơphun bruă hlăk ai hyu gum djru bơyan pơdơi prong gưl dêh čar hăng anăp nao blan mă bruă yua kơ čơđai muai thun 2025.

VOV4.Jarai - Tui tơlơi pơkă lăng hlâo jơlan hơdră mông jơnum tal 46, Jơnum min apăn bruă Khua pơ ala mơnuih ƀôn sang dêh čar gum pơhiăp kơ hơdôm bôh yôm phăn, amăng anun hmâo Akô̆ bruă dưm dăp anom bruă čar gưl tơring čar thun 2025.

VOV4.Jarai - Ƀrô djơ̆ hrơi jar kơmar pioh kơ čơđai muai (1/6), Khua git gai Ping gah dêh čar ta ơi Tô Lâm nao čuă hăng pơsur pran jua, ƀơk gơnam tam kơ ƀing čơđai sang hră ƀơi Sang hră gưl 2 Nguyễn Đình Chiểu hăng Sang hră gưl 2 Xã Đàn, plơi prong jưh jom Hà Nội.