Amăng mông bưp, khua Đuma dêh čar Nga pơsit tong amra gum hrŏm hăng dêh čar Việt Nam, pok pơhai ngă tui hơdôm tơlơi pơkôl gưl prong, ba tơlơi rô nao rai ngă hrŏm yôm phăn djop mơta Việt Nam-Nga jai hrơi dơlăm, sit nik hăng tŭ yua.

Amăng mông bưp, dua bơnah pơsit tong amăng hrơi blan rơgao tơlơi rô nao rai dua Ƀirô Khua pơ ala mơnuih ƀôn sang dêh čar pơđĭ kyar hiam klă biă mă; Ƀirô Khua pơ ala mơnuih ƀôn sang dua bơnah hơmâo gum hrŏm kjăp, ngă hrŏm tŭ yua wŏt bruă dua bơnah hăng djop bơnah, pok pơhai tŭ yua hơdôm tơhnal pơkă ngă hrŏm glăk hơmâo kơplah wah dua boh dêh čar, sit biă ñu lĕ pơphun pơplih nao rai hơdôm mông jơnum mơng Jơnum min ngă hrŏm pơlir dua bơnah Ƀirô Khua pơ ala mơnuih ƀôn sang.

Dua bơnah đăo gơnam dua anom bruă amra tŏ tui ngă gêh gal kiăng pok pơhai hơdôm tơlơi pơkôl kơplah wah khua mua pơprong dua bơnah, đăo gơnang hơdôm anom bruă čih pơkra tơlơi phiăn dua bơnah amăng rơwang ngă bruă phrâo amra gum hrŏm laih dong hrŏm hăng hơdôm anom bruă dua bơnah pơgôp sit nik amăng bruă hrưn đĭ tơlơi rô nao rai Việt Nam-Nga amăng rơwang ngă hrŏm phrâo.