Nao jơnum hrŏm, ding kơna ding jum kơđi čar, Khua anom bruă jơlan hơdră phun, yom gơnong dlông, ơi Nguyễn Thanh Nghị, bơni hơ-ơč kơ hơdôm ƀing hlai ai, čơđai tŭ mă pri apah bơni laih anun lăi pơtong, hơdôm čô hlăk ai čơđai rơgơi jing asar pơjeh kah hăng aliăng kơjăp amăng pran jua gir run mă bruă, ba tơlơi mơak kơ djop gưl rơnuk hlăk ai čơđai muai amăng bruă hrăm hră, thâo pơčeh phrâo ngă bruă, kơsem min, pơblih tui ia rơgơi tơlơi kơhnâo, khin pơmin, khin ngă tui anŏ kiăng pơyơr pran jua kơ boh tŭ yua dêh čar, djuai ania.

Dơ̆ng mơ̆ng 145 pok hră mơ̆ng 37 boh sang bruă, Khul apah bơni sem lăng pơsit dua guang ruah mă mơ̆ng tơlơi pơplông mơ-it amăng online hơmâo boh tơhnal tŭ yua hloh, ruah 10 čô pô pơčeh phrâo ia rơgơi phrâo hloh. Rim čô anun, gơñu ba sa tơlơi ră ruai, pơtrut pran jua amăng bruă mă, ƀu kơnong thâo pơčeh phrâo đôč ôh, dŏ pơyơr pran jua mă bruă wai lăng, git gai, ngă bang bơngač tơlơi thâo thăi, găn rơgao amăng bruă mă laih anun pơđĭ kyar kơjăp gơnam pơkra ming djă anăn Viêt, tơbiă nao pơ tač rơngiao djop anih amăng rŏng lŏn tơnah.