Gia Lai prap lui giong laih rơwang hrơi tơjuh pơphun thun tuai čuă ngui dêh čar 2026
Thứ năm, 10:48, 26/03/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Tơring čar Gia Lai hơmâo pơgiong laih bruă prap lui hlâo kơ yak nao rơwang hrơi tơjuh pơphun thun tuai čuă ngui dêh čar 2026 hăng hơdôm bruă mă pơprong, čang rơmang ba glăi tơlơi pơhưč kơtang hăng tuai čuă ngui hăng anom bruă tuh pơ alin amăng lŏn ia hăng tač rơngiao.
Pơphun mơng lơ 27 truh pơ lơ 29/3/2026, rơwang hrơi tơjuh pok pơphun hăng jơnum ngui “Tuai čuă ngui Gia Lai-Tơlơi dưi hăng tơlơi gal” , anih ƀing kơhnâo kơhnăk, ƀing bơwih ƀong sĭ mơdrô pơlăi nao rai, ba tơbiă hơdră pơđĭ kyar tuai čuă ngui hơđong kjăp, anăp nao bơwih brơi tuai pơ tač rơngiao.
Jơnum pơsur tuh pơ alin tơring čar Gia Lai lơ 28/3 him lăng pơhưč hơdôm rơtuh mơnuih bơwih ƀong sĭ mơdrô mut hrŏm, pok rai tơlơi gal ngă hrŏm, pơđĭ kyar akŏ bruă. Tơlơi kơđŏm glăi lĕ mông pok pơphu thun tuai čuă ngui dêh čar 2026 amăng mơmŏt lơ 28/3 hăng jơlan hơdră adôh suang mơ-ak, pơdah djop mơta gru grua hăng pran hrưn đĭ mơng kual Dap kơdư. Him lăng, abih thun tuai čuă ngui amra hơmâo 244 bruă mă phara, amăng djop mơta bruă.
Viết bình luận