Pơđut mông mă bruă, Khua git gai Ping gah lăng yôm bruă Ping gah Khua pơ ala mơnuih ƀôn sang hơmâo gơgrong, khut khăt amăng bruă git gai, ngă tui tơlơi črâo trun mơng Ping gah; bruă čih pơkra tơlơi phiăn hơmâo lu tơlơi pơplih sit nik; sit biă ñu pơphun truh kih tal plĕ hră ruah Khua pơ ala mơnuih ƀôn sang dêh čar tal XVI hăng Jơnum min pơ ala mơnuih ƀôn sang djop gưl rơwang thun 2026-2031.

Pơ anăp anai, Khua git gai Ping gah rơkâo tŏ tui hruă kjăp tơlơi pơtrun Jơnum tal XIV, pơlir hăng rĭm jơlan hơdră, bruă mă tong ten; pơtrut ngă tui tơlơi črâo trun mơng Ping gah, hrưn đĭ klă amăng čih pơkra tơlơi phiăn, krăo lăng, lăp djơ̆ tơlơi čang rơmang mơng mơnuih ƀôn sang. Khua git gai Ping gah lăi pơtong: tơlơi đăo gơnang, tơlơi čang rơmang hơmâo pơgiong jing hơdôm hơdră bruă lăp djơ̆, hơdôm tơlơi phiăn klă hloh, hơdôm bruă krăo lăng sit nik hăng tŭ yua. Hơdôm tơlơi črâo trun, hơdră bruă pơprong mơng Ping gah kiăng pơplih jing hơdôm jơlan hơdră čih pơkra tơlơi phiăn, hơdôm tơlơi pơtrun tong ten.