Tom brơi, lơ 31/1, ƀơi Sang bruă kơnuk kơna, Khua dêh čar, ơi Phạm Minh Chính jao hră pơtrun mơ̆ng Khua dêh čar kơ bruă pơđĭ ƀing khua mua.

Tui hăng anun, ơi Bùi Thế Duy, ding kơna aka sit nik apăn bruă ping gah dêh čar, Kơ-iăng khua sang bruă Kơsem min boh thâo ia rơgơi hăng pơčeh phrâo ia rơgơi Việt Nam, Ngă khua Sang hră gưl prong dêh čar Hà Nội.

Jao hră pơtrun bruă hăng brơi guang bơnga hiam kơ ơi Bùi Thế Duy, Khua dêh čar ơi Phạm Minh Chính lăi lĕ, bruă ping gah, kơnuk kơna đăo kơnang jao kơ Bùi Thế Duy ngă khua sang hră gưl prong dêh čar Hà Nội, jing sa tơlơi pơ-ư ang prong, hăng tơlơi glăm ba prong mơ̆n kơ sang hră gưl prong dêh čar Hà Nội amăng rơnuk phrâo. Pơhiăp amăng mông jơnum, tŭ mă bruă jao, ơi Bùi Thế Duy ƀuăn, amra ngă ab ih pran jua, tơlơi pơmin, tơlơi thâo thăi amăng bruă mă, hăng tơlơi gir run prong hloh, kơjăp pran jua, tơlơi pơmin, ba jơlan hlâo amăng bruă mă, hrŏm hăng abih bang ƀing khua mua, mơnuih apăn bruă amăng sang hră gum pơgôp, pơblih phrâo, ngă bruă khut khăt hloh, tŭ yua, ba sang hră gưl prong dêh čar Hà Nội pơđĭ kyar lăp hăng tơlơi đăo kơnang laih anun tơlơi čang rơmang mơ̆ng Ping gah, kơnuk kơna, gong gai dêh čar wơ̆t hăng khua dêh čar, kiăng pơgôp pran jua amăng bruă man pơdong hăng pơgang Lŏn ia.