Khua git gai Ping gah ơi Tô Lâm brơi thâo, tui hăng jơlan hơdră ngă bruă, Grup pel ĕp bruă mrô 10 ngă bruă hăng Khul khua apăn bruă phun Ping gah ƀôn  prong Hà Nội kơ 3 mơta bruă: kiăo tui hră lăi pơthâo bruă pel ĕp, krăp lăng tal 1 kơ bruă git gai,črâo bruă lăi pơthâo rơđah, tong ten, pok pơhai ngă tui Tơlơi pơtrun Ping gah dêh čar tal XIV, Tơlơi pơtrun Jơnum Ping gah ƀôn prong, biă ñu lĕ jơlan hơdră ngă bruă amăng abih bang rơwang bruă; bruă ruah khua pơ ala mơnuih ƀôn sang dêh čar tal XVI hăng Khua pơ ala mơnuih ƀôn sang djŏp gưl, rơwang thun 2026-2031; pơtŏng glăi bruă đĭ kyar 2 mrô, ngă bruă tui gong gai dua gưl hăng pok pơhai ngă Tơlơi pơtrun 57 kơ pơčeh phrâo, đĭ kyar boh thâo ia rơgơi.

Khua git gai Ping gah lăi, ƀơi mông Jơnum amra klah čun glăi tal 1; laih dong lăi pơthâo rơđah rơđông tơlơi klah čun mơ̆ng Ding jum kơđi čar kơ pơtŏng glăi bruă krăp lăng tal 1 ƀơi đơ đam dêh čar ta hăng hơdôm bruă kiăng pơƀut git gai, pok pơhai pơ anăp; mơ̆ng anun pơplih akŏ bruă pel ĕp, krăp lăng tal 2.