Khua pơ ala mơnuih ƀôn sang dêh čar tal XV ơi Trần Thanh Mẫn hơmâo ƀing khua pơ ala ruah glăi ngă Khua pơ ala mơnuih ƀôn sang dêh čar tal XVI. Tơlơi pơtrun kơ bruă ruah ơi Trần Thanh Mẫn ngă Khua pơ ala mơnuih ƀôn sang dêh čar hơmâo ƀing khua pơ ala tŭ ư hăng 491/491 čô khua ƀơi mông jơnum. Đĭ pơhiăp tơdơi kơ hơmâo ruah đĭ, Khua pơ ala mơnuih ƀôn sang dêh čar ơi Trần Thanh Mẫn bơni kơ ƀing ruah khua ƀơi ƀôn prong Hồ Chí Minh đăo kơnang ruah ñu ngă ding kơna pơ ala mơnuih ƀôn sang dêh čar tal 16, ƀing khua pơ ala đăo kơnang ruah ñu ngă Khua pơ ala mơnuih ƀôn sang dêh čar Cộng hòa xã hội chủ nghĩa Việt Nam tal 16; lăi anai jing tơlơi kơdrưh, pơ-ư pơ-ang prong biă mă hăng ñu, ăt jing tơlơi gơgrong bruă prong hăng Ping gah, Kơnuk kơna, mơnuih ruah ñu hăng Mơnuih ƀôn sang đơ đam dêh čar.

Khua pơ ala mơnuih ƀôn sang dêh čar ơi Trần Thanh Mẫn ƀuăn gir run, tuh rơyuh pran jua ngă bruă yua kơ lŏn ia, bơwih brơi mơnuih ƀôn sang; hrŏm hăng Ƀirô khua pơ ala mơnuih ƀôn sang dêh čar, Jơnum min apăn bruă phun pơ ala mơnuih ƀôn sang dêh čar, djŏp anom bruă pơ ala mơnuih ƀôn sang laih anun ƀing khua pơ ala mơnuih ƀôn sang pơplih phrâo, mă yua boh thâo ia rơgơi hloh dong, pơčeh phrâo, Anom bruă pơ ala mơnuih ƀôn sang mă yua boh thâo mrô, ia rơgơi ană mơnuih pơčeh phrâo, pơđĭ tui anŏ klă, tŭ yua bruă mă, hiăp nao hrŏm hăng ngă, ngă hlao mơtăm, ngă djơ̆, ngă tŭ yua, ngă khŏm giong./.