Khua dêh čar rơkâo Ding jum man pơdong, kông ti tơdron rơdêh por Việt Nam hăng hơdôm anom bruă bơdjơ̆ nao pel ĕp glăi abih bang bruă mă, ba nao lu ƀiă dong mơnuih mă bruă, gơnam măi mok, pơphun man pơkra “3 ka, 4 kĭp”  pơhlôm djơ̆ hơnong pơkă ba tơbiă. Lăng yôm tơlơi gir run mơng hơdôm anom bruă man pơdong amăng hrơi blan glăk tơnap tap kơ čuah pơtâo, Khua dêh čar lăi pơtong anai lĕ ring bruă phun amăng dêh čar, kiăng tŏ tui hrưn đĭ ngă klă hăng ba glăi boh tŭ yua lơm mă yua.

Khua dêh čar hok mơ-ak lơm hơmâo pơgiong laih Anom wai lăng rơdêh por; jơlan plĕ trun hăng anih dŏ dong; anih tuai đĭ trun. Hrŏm hăng tơlơi rơkâo pel ĕp glăi bruă bơdjơ̆ nao čuah pơtâo, ia săng, ia jâo, Khua dêh čar ăt rơkâo djop ding jum, gơnong bruă bơdjơ̆ nao hơdôm akŏ bruă man pơkra tŏ tui pok pơhai ngă Akŏ bruă črăn 3 ƀơi tơdron rơdêh por jar kmar Long Thành.