Ƀơi mông jơnum, hơmâo 100% mrô hră plĕ tŭ ư 85/85, ơi Lưu Văn Trung, Kơ-iăng khua git gai ping gah, Khua Jơnum min pơ ala mơnuih ƀon sang tơring čar Lâm Đồng tal X, ăt ngă khua jơnum min pơ ala mơnuih ƀôn sang tơring čar tal XI. Ƀing kơ-iăng khua hơmâo K’Mak, Tiêu Hồng Phúc, Y Quang Bkrông, Nguyễn Thị Thuận Bích, Mai Thị Xuân Trung hăng Đa Cát Vinh.

Hăng Jơnum min mơnuih ƀôn sang tơring čar lĕ ơi Hồ Văn Mười, Kơ-iăng khua git gai ping gah, ăt dưi ruah ngă khua Jơnum min mơnuih ƀôn sang tơring čar Lâm Đồng rơwang bruă thun 2026-2031 hơmâo 100% pok hră ruah tŭ ư. Kơ-iăng khua jơnum min mơnuih ƀôn sang tơring čar, hơmâo ơi Lê Trọng Yên, Võ Ngọc Hiệp, Nguyễn Hồng Hải, Nguyễn Minh, Nguyễn Ngọc Phúc hăng Đinh Văn Tuấn. Đĭ pơhiăp ƀơi mông jơnum, Y Thanh Hà Niê Kdăm, Khua git gai ping gah, Khua grup pơ ala mơnuih ƀôn sang dêh čar ƀơi tơring čar Lâm Đồng lăi, bruă ruah djop khua mua apăn bruă phun, kiăng djop jing atur kơ gong gai kơnuk kơna tơring čar tañ hơđong, mă bruă hruaih, pok pơhai ngă tui bruă mă pơđĭ kyar bơwih ƀong huă mơnuih mơnam, pơhlom pơgang tơlơi rơnuk rơnua hơđong abih sa rơwang bruă mơ̆ng thun 2026-2031.