Tlam lơ 30/3, ƀơi Hà Nội, Ping gah anom bruă khua ping gah dêh čar jơnum jao Miđai ling tơhan hăng gru miđai 45 thun, 40 thun hăng 30 thun ping gah.

Pơ ala kơ ping gah, kơnuk kơna, Khua git gai ping gah ơi Tô Lâm jao miđai gah tơhan mrô sa hăng gru miđai 40 thun ping gah kơ ơi Phạm Minh Chính, ding kơna ding jum kơđi čar tal XIII, khua dêh čar.

Pơ ala kơ ƀing tŭ mă miđai gah ling tơhan mrô sa hăng gru miđai thun ping gah, Khua dêh čar ơi Phạm Minh Chính, pơdah pran jua hơ̆k mơak dưi tŭ mă tơlơi apah bơni yom mơ̆ng ping gah, ñu lăi dưi mut ping gah, djă pioh na nao amăng pran jua  tơlơi ƀuăn hơkat ba jing sa čô mơnuih ping gah tong ten hăng tơlơi pơmin, pran jua ngă bruă hơkrŭ mơ̆ng ping gah pô git gai, yua tơlơi rơngai djuai ania, lŏn ia kiăo tui jơlan hơdră XHCN mơnuih mơnam ngă khua pô, abih bang kiăng trơi pơđao yâo mơak, amra tŭ mă djop bruă jao, gir run ngă giong bruă mă mơ̆ng ping gah, kơnuk kơna hăng mơnuih ƀôn sang jao. Laih dơ̆ng đăo kơnang lĕ, gah yŭ kơ tơlơi git gai mơ̆ng Ping gah, ding jum kơđi čar, khul khua mua git gai ping gah, khua apăn akŏ hơmâo ơi Tô Lâm, lŏn ia ta amra pơđĭ kyar djop mơta, ngă tui tŭ yua dua mơta tơhnal pơkă truh 100 thun, ba lŏn ia ta pơđĭ kyar hơđong kơjăp amăng rơnuk hrưn đĭ pô-rơnuk pơđĭ kyar pơdrong, hiam mơak, thâo rơgơi, mơak klă kơjăp tơkai tơngan yak nao amăng rơnuk phrâo ngă khua pô XHCN.