Jơlan hơdră pok pơphun hăng hơdôm bruă pơsur, pơhưč tuai čuă ngui amăng thun anai, pơgôp ba bruă tuai čuă ngui jing gơnong bruă bơwih ƀong akŏ phun amăng tơring čar. Anai ăt lĕ hrơi mông kiăng pơpŭ gru grua, ană mơnuih kual Dap kơdư, laih dong pioh čơkă 51 thun hrơi pơplaih rơngai Phú Yên. Hluai tui hơdôm bruă anai, Dak Lak dưi lăi pơthâo rup rap gru grua yôm phara, jê̆ giăm hăng pơhưč tuai čuă ngui amăng lŏn ia hăng tač rơngiao.

Ƀrô tal anai tơring čar Dak Lak pơphun lu bruă bơwih brơi tuai čuă ngui anun lĕ Sang čơ sĭ mơdrô-tuai čuă ngui, OCOP hăng gơnam yôm mơng ƀon lan; jơlan hơdră ngui adôh suang, grup famtrip ĕp lăng, hrŏm hăng jơnum sem lăng bruă tuai čuă ngui “Dak Lak-Glăi pơ kual gru grua yôm phara”, mơng anun kơtưn pơlir hơbit, pơhưč tuh pơ alin hăng pơđĭ kyar bruă tuai čuă ngui hơđong kjăp.