Pơ ala brơi khua mua Ping gah, kơnuk kơna jao miđai Hồ Chí Minh brơi tơhan Binh chủng Công binh, Khua git gai Ping gah dêh čar ơi Tô Lâm pơsit tong, gru grua mơng tơhan Công binh lĕ gru grua mơng kru tơkai pok jơlan brơi tơlơi dưi; anai lĕ gru grua pơdah pran kơtang, khin hơtai, kjăp pran mă bruă hăng pran blah ngă ƀu pơdơi, laih dong pơpŭ brơi hơdôm tơlơi dưi, tơlơi truh kih prong mơng tơhan Binh chủng công binh.

Pơ anăp anai, kiăng pơgiong klă ngă tui tơlơi pơsit “djop ayăt lêng kơ dưi blah dưi soh”, khua git gai Ping gah rơkâo, tơhan Binh chủng Công binh đing nao ngă tui klă 5 bruă jao phun, amăng anun kiăng tŏ tui hruă kjăp tơlơi pơmĭn, jơlan gah wai pơgang rơnuk rơnua mơng Ping gah, kiăo tui lăng tơlơi pơplih phrâo gah bruă ling tơhan, wai pơgang lŏn ia; hruă kjăp tui tơlơi pơtrun gơnong glông mrô 8 tal XIII, tơlơi pơtrun mơng Jơnum tal XIV mơng Ping gah, tơlơi pơtrun mơng Jơnum Ping gah ling tơhan tal XII hăng hơdôm tơlơi črâo trun akŏ phun mơng Ping gah ling tơhan, Ding jum ling tơhan.