Đĭ pơhiăp pơphun mông jơnum, Khua git gai Ping gah dêh čar ơi Tô Lâm lăi pơtong, boh tơhnal Jơnum anai kiăng đing nao pơsir hĭ lu bruă tơnap tap, anai lêng hơdôm bruă kiăng ngă, khŏm ngă mơtăm, ƀu brơi kaih ôh. Amăng anun, Jơnum anai amra pơčrông sai jơlan hơdră bruă mă amăng ha rơwang ngă bruă mơng Khul apăn bruă Ping gah tal XIV; tơhnal pơkă bruă mă mơng Khul apăn bruă Ping gah, Ding jum kơđi čar, Khul git gai Ping gah; tơlơi pơkă ngă tui tơhnal pơkă mơng Ping gah, tơlơi pơkă kơ bruă pel ĕp, krăo lăng, pơsir bruă ngă soh amăng Ping gah; tơlơi pơkă bruă mă mơng Jơnum min pel ĕp gơnong glông, tơlơi pơkă kơ bruă kơđi čar, tơlơi pơmĭn amăng Ping gah, lăng glăi sa, dua tơlơi pơtrun pơprong mơng gơnong glông amăng pel ĕp, krăo lăng, kơ pơgang, pơgăn hưp ƀong kông ngăn, bruă ngă soh, yua kông ngă khưi khai; sem lăng bruă ruah khua mua ƀơi hơdôm anih anih kơnuk kơna rơwang thun 2026-2031, bruă mă yua ngăn drăp dêh čar, akŏ bruă tuh pơ alin man pơdong man ƀrô rơwang thun 2026-2031 hăng sa, dua bruă yôm pơkŏn dong. Him lăng jơnum pơphun truh lơ 27/3/2026.