Anai lĕ tơlơi pơpŭ yôm phiăn, kơđŏm glăi tơlơi rơbêh 41 thun ngă tui bruă jao amăng kual Dap kơdư. Amăng mông ngă lơphet, thượng tướng Nguyễn Quang Ngọc-Kơ-iăng Khua ding jum ling tơhan-lăi pơtong tơlơi rơkâo mơng Binh đoàn tŏ tui gru grua, đing nao pơjing anom bruă ngă bruă kơtang djop mơta, pơlir kjăp kơplah wah pơđĭ kyar bơwih ƀong huă hăng wai pơgang rơnuk rơnua, hrưn đĭ pran kơtang hăng bruă prap blah ngă, laih dong gum hrŏm klă hăng gưl Ping gah, gong gai ƀon lan amăng ară jơlan guai; pơtrut pơplih hơbô̆ bruă pơđĭ kyar, mă yua boh thâo mrô, hrưn đĭ rơnoh yôm amăng bơwih ƀong hăng pơkra pơjing klă hloh.

Thượng tướng Nguyễn Quang Ngọc pơtă Binh đoàn mrô 15 kiăng tŏ tui ngă klă bruă pơtô ba mơnuih ƀôn sang hăng pơtom hiăp amăng kual giăm guai, pơhlôm ngă klă tơlơi rơkâo amăng rơwang phrâo.