Khua git gai Ping gah lăi, kiăo tui bruă klah čun glăi, tŏ tui hơdôm tơlơi lăp djơ̆ mơ̆ng tơlơi pơtrun hăng tơlơi pơkă hlâo adih; kơsem min pơhrua tui hơdôm tơlơi pơmin phrâo, tơlơi hơmâo phrâo, tơlơi pơkă phrâo lăp djơ̆ hăng tơlơi hơmâo sit nik. Khŏm lăng bruă pel ĕp, sem lăng hăng ngă tui tơlơi phiăn jăm ƀuah ñim glăi  tơlơi soh mơ̆ng Ping gah amăng bruă akŏ pơdong Ping gah, pơđĭ tui anŏ klă bruă wai lăng dêh čar hăng ngă tui djŏp tơlơi pơkă akŏ phun či pơđĭ kyar lŏn ia hơmâo ba tơbiă ƀơi mông Jơnum tal 14 mơ̆ng Ping gah.

Pơsit anŏ pel ĕp wai lăng ƀrô jing hơdră git gai yom phun mơ̆ng Ping gah ƀrô jing tơlơi pơkă kiăng Ping gah pơplih mă pô, pơgang mă pô, ngă kơjăp, pơđĭ tui klă hloh; jing tơlơi či wai lăng tơlơi dưi ngă khua, bong kjăp tơlơi phiăn, tơlơi tơpă, tơlơi găl; jing tơlơi akŏ phun pơhlom brơi jơlan ngă bruă djơ̆ lăp mơ̆ng Ping gah hơmâo ngă tui khut, tŭ yua. Kơ hơdôm tơlơi tong ten amăng Tơlơi pơtrun hăng Tơlơi pơkă, Khua git gai Ping gah kiăng, pơplih kơtang bruă pel ĕp bruă mă jing bruă pơgang hlâo tañ, mơ̆ng ataih; wai lăng tơlơi dưi ngă khua amăng mông ngă bruă mơtăm; ƀuh tơlơi ƀu djơ̆ hlâo kơ ngă soh. Pok prong krăp lăng, pơhlom abih bang jơlan hơdră ngă bruă mơ̆ng Ping gah hơmâo ngă djơ̆, tŭ yua./.