Tui jơlan hơdră, mơguah, Jơnum min apăn bruă pơ ala mơnuih ƀôn sang dêh čar pơgôp hiăp kơ Tơlơi phiăn čih pơkra, pơhrua tui hơdôm tơlơi mơ̆ng Tơlơi phiăn bơkơtưn apah bơni; Pơgôp hiăp kơ Tơlơi phiăn čih pơkra, pơhrua tui hơdôm tơlơi mơ̆ng tơlơi phiăn Anom bruă pơ ala dêh čar Cộng hòa xã hội chủ nghĩa Việt Nam pơ čar rơngiao. Jơnum min apăn bruă amra sem lăng, tŭ ư tơlơi ba tơbiă mơ̆ng Khua dêh čar kơ bruă ruah pơhrua Khua anih jưh pơ ala dêh čar Cộng hòa xã hội chủ nghĩa Việt Nam pơ čar rơngiao. Laih dong sem lăng, pơsit brơi Tơlơi pơtrun mơ̆ng Jơnum min apăn bruă pơ ala mơnuih ƀôn sang dêh čar pơtrun Tơlơi pơkă ngă bruă pơtom hiăp mơ̆ng Ƀirô khua pơ ala mơnuih ƀôn sang dêh čar.

Či tlam, Jơnum min apăn bruă pơ ala mơnuih ƀôn sang dêh čar sem lăng, pơsit Tơlơi pơtrun čih pơkra, pơhrua tui Tơlơi pơtrun mrô 1744 lơ 27/6/2025 mơ̆ng Jơnum min apăn bruă pơ ala mơnuih ƀôn sang kơ Hră čih anăn Ding kơna Khul ruah mă, krăp lăng Mơnuih Phat kơđi dêh čar; Pơgôp hiăp hăng Hră lăi pơthâo mơ̆ng Sang phat kơđi prong mơnuih ƀôn sang pơdah pơƀuh pơ Khua mua pơ ala pơsit brơi, rơkâo ruah Khua Sang phat kơđi prong mơnuih ƀôn sang./.