Lăi dlăm, prăk či tuh pơ alin đĭ kyar pơ anăp prong biă, khŏm kiăng mă yua prăk anai klă, tŭ yua, ƀu brơi hơmâo tơlơi hưp ham, ƀong prăk kăk, prai ča čot, Khua git gai ping gah ơi Tô Lâm kiăng djŏp gưl ping gah, grup ping gah, anom apăn bruă kơnuk kơna pơƀut git gai, črâo bruă, pok pơhai tŭ yua djŏp bruă hơmâo jao, hăng tơlơi pơmin gir, khut khăt, hiăp aset ngă lu, pơplih prong, sit nik, kiăng ană plơi pla ƀuh, tŭ ư hrŏm, ană plơi dong yua.

Pơtă pơtăn kơ hơdôm bruă akŏ phun pơ anăp, Khua git gai Ping gah ơi Tô Lâm kiăng pơƀut ngă jing tơlơi phiăn djŏp tơlơi pơtrun, tơlơi pơmin kjăp mơ̆ng Ping gah kơ bruă pơsir kơđi, bruă hưp ham, prai prăk, ngă bruă soh sat; krăp lăng tơlơi ngă khua nao pơlir hăng gong gai dua gưl, ƀu pioh hơmâo pô ah drơi pô ngă khua mơ̆ tui hluai či ngă; pơtrut hyu hơduah ĕp, pơsir đut hlao kơđi tơlơi hơmâo mơnuih ƀôn sang pơđing hmư̆ hloh. Khua git gai Ping gah ơi Tô Lâm ăt kiăng pơtrut kơtang pơgang, pơgăn hĭ hưp ham kông ngăn, prăk kăk nao hrŏm hăng tơlơi kiăng đĭ kyar./.