Anăn ƀing arăng ruah hơmâo ơi Hồ Văn Mười, Khua Jơnum min mơnuih ƀôn sang tơring čar; ơi Lưu Văn Trung, Khua Jơnum min pơ ala mơnuih ƀôn sang tơring čar; ơi Lê Trọng Yên, Kơ-iăng khua jơnum min mơnuih ƀôn sang tơring čar….ƀuh rơđah tơlơi đăo kơnang mơ̆ng mơnuih ruah khua hăng ƀing khua mua pơprong ƀơi tơring čar.

Tui hăng hră čih klah čun kơ drơi jăn bruă ngă 85 čô pơ ala djơ̆ anăn, ruah ngă pô pơ ala mơnuih ƀôn sang tơring čar tal XI, rơwang bruă thun 2026-2031, pô pơ ala lu thun hloh lĕ thun tơkeng 1962 hăng ƀiă thun hloh lĕ 1991. Ƀing pơ ala mơnuih ƀôn sang tơring čar Lâm Đồng dưi hơmâo mơnuih ƀôn sang ruah khua đăo kơnang ruah djơ̆ tơlơi pơkă hnơ̆ng, pơpha mrô hăng khul mơnuih tui tơlơi phiăn pơkă.