3 boh să: Măng Đen, Măng Bút hăng Kon Plông, tơring čar Quảng Ngãi hơmâo kual lŏn pơprong, hơmâo lu tơlơi dưi pơđĭ kyar ngă hmua, tơlơi bơwih ƀong kual glai rưng hăng čuă ngui amăng đang glai. Kyâo pơging hơ-ui prong, ƀơi Măng Đen hơmâo giăm 68%, ƀơi Kon Plông rơbêh 83%, ngă atur brơi pơđĭ kyar bơwih ƀong mơtah. Ră anai, kual Măng Đen-Măng Bút-Kon Plông hơmâo tơlơi gal prong kiăng pơđĭ kyar tuai čuă ngui amăng đang glai, anih pơdơi pran hăng ngă hmua “kual rơ-ơ̆”, amăng anun Măng Đen jing anih phun.

Ơi Nguyễn Hoàng Giang, Khua Jơnum min mơnuih ƀôn sang tơring čar Quảng Ngãi rơkâo djop ƀon lan pơtrut kơtang pơđĭ kyar ngă hmua hơdjă, pơjing kual pla gơnam sĭ mơdrô hơmâo anăn păn anun lĕ kơphê Arabica, Sâm Ngọc Linh, Đẳng sâm, añăm tam kual rơ-ơ̆ sĭ brơi tuai čuă ngui.