Pơhiăp klah čun mông jơnum, Khua dêh čar ơi Phạm Minh Chính bơni biă kơ tơlơi gir ngă bruă mơ̆ng hơdôm ding jum, anom bruă, mơnuih amăng Grup wai lăng pơhlom hơđong apui yua ia jâo, pơƀut ĕp hơdră ngă hơđong anih mơdrô ia săng ia jâo. Lăi ƀơi rŏng lŏn tơnah rung răng, ƀu thâo hiư̆m pă ôh, Khua dêh čar lăi, tơlơi kiăng lĕ ƀu dưi kơƀah apui yua ia jâo pioh pơkra gơnam, bơwih ƀong, sĭ mơdrô, blơi yua mơ̆ng mơnuih ƀôn sang; ƀu dưi ngă tơ̆i dơnuai ôh bruă sĭ mơdrô ia săng ia jâo, ia apui; hơđong kơđi čar, rơnuk rơnua, pơgăn bruă pơhmao mă anŏ tơnap anai mơ̆ či sĭ mơdrô ƀong lơi kơtang, ngă prung prang, rung răng mơnuih tơpuôl.

Khua dêh čar ơi Phạm Minh Chính lăi, anai jing tơlơi gêh găl pơplih glăi bruă pơkra gơnam sĭ mơdrô, ba sĭ ia săng ia jâo, kiăo tui tơlơi pơplih rơnuk anai; kiăng pơđĭ tui mrô ia săng ia jâo pioh pơđom; ĕp lu anih mơdrô pơkŏn dong, hơmâo lu anih ta dưi blơi mă, ƀu kơnang kơ ia jâo ha anih ôh./.