Tal ruah khua anai, tơring čar Gia Lai hơmâo 28 čô mơnuih tơbiă anăn či ruah ngă khua pơ ala mơnuih ƀôn sang dêh čar, amăng anun ruah mă 16 čô sit nik; hơmâo 138 čô tơbiă anăn či ruah ƀơi 18 anih ruah khua či ruah mă 85 čô khua pơ ala mơnuih ƀôn sang tơring čar tal XIII; hrŏm hăng rơbêh 5100 čô tơbiă anăn kiăng mơnuih ƀôn sang ruah mă giăm 3000 čô khua pơ ala mơnuih ƀôn sang gưl să.

Truh mông anai, Jơnum min ruah khua tơring čar Gia Lai ngă giong laih djŏp bruă prăp rơmet, pơhlom kiăng hrơi ruah khua tui tơlơi pơtrun. Hăng tơlơi prăp rơmet klă, hrơi plĕ hră ruah khua amăng lơ 15/3 hơmâo čang rơmang jing hrơi mơnuih ƀôn sang dưi ngă pô, anih rim pok hră plĕ mơit nao tơlơi đăo kơnang, ruah mă ƀing khua rơgơi, kjăp tơlơi pơmin, pơ ala brơi tơlơi pơhiăp, tơlơi kiăng khăp mơ̆ng mơnuih ƀôn sang./.