Ƀơi mông tŭ jum, Khua git gai ping gah ơi Tô Lâm lăi pơtong, anŏ yom phun mơ̆ng bruă ia jâo apui yua hăng djop tơhnal pơkă pơđĭ kyar bơwih ƀong huă ƀơi Việt Nam, rơkâo kơ anom bruă GE Vernova dêh čar Mi ăt djă kơjăp anŏ gêh găl găn rơgao lu thun tơlơi thâo thăi mơ̆ng pô, pơtrut bruă ngă hrŏm lu hloh hăng Việt Nam amăng bruă pơdong pưk sang atur pơđĭ kyar gah bruă ia rơgơi tơlơi kơhnâo hăng pơtô hrăm mơnuih ngă bruă gah ia jâo apui yua, jing bơnah ngă hrŏm yom biă mă mơ̆ng Việt Nam, ngă tui Hră pơtrun 70 mơ̆ng Ding jum kơđi čar kơ bruă pơhlom djop apui yua ia jâo kơ dêh čar truh thun 2030, lăng nao pơ anăp adih truh thun 2045.

Khua Anom bruă group GE Vernova, ơi Scott Strazik lăi pơtong, group anom bruă mơdrô gơñu amra ngă pô pơtruh nao rai plah wah sang bruă mơdrô hăng gong gai kơnuk kơna dua bơnah, laih anun hrŏm hơbit dêh čar Việt Nam pok pơhai ngă tui tơhnal pơkă pơđĭ kyar bơwih ƀong huă-mơnuih mơnam dêh čar Việt Nam.