Ƀơi mông pơhiăp telephôn bơkơtuai nao rai, Khua dêh čar ơi Phạm Minh Chính lăi pơtong, Việt Nam amra ngă hrŏm tơlơi gir run hrŏm mơ̆ng jar kmar, amăng anun kual ASEAN, kiăng ĕp jơlan hơdră pơsir tơlơi rơnuk brơi tơlơi blah ngă ră anai.

Lơ̆m anun, tơlơi pơhing amăng kual dŏ tơnap tap đôč, Khua dêh čar ta bơni kơ Kơnuk kơna dêh čar Qatar ăt đing nao, djru pơgang tơlơi rơnuk rơnua, hơđong brơi kơ mơnuih ƀôn sang Việt Nam ƀơi dêh čar Qatar hăng ngă gêh găl brơi mơnuih ƀôn sang Việt Nam dưi mut nao dŏ ƀơi  dêh čar Qatar.

Khua dêh čar Qatar lăi pơtong, bruă pơgang tơlơi rơnuk rơnua, hơđong brơi mơnuih ƀôn sang Việt Nam “Hrup hăng mơnuih ƀôn sang Qatar”. Gah kơ bruă ngă hrŏm apui yua ia jâo dua bơnah dêh čar ră anai, Khua dêh čar Qatar lăi pơtong, hlăk gir run ngă tui djop hơdôm tơlơi ƀuăn, hră pơar pơkôl pơkă hăng hơdôm bơnah, amra ngă hrŏm tong ten kiăng pơgang hơđong kơ bruă mă ia jâo, pơkra apui lơtrik ƀơi Việt Nam.