Pơ ala brơi khua mua Ping gah, Kơnuk kơna jao tơlơi pơsit mơng Khul git gai Ping gah ruah ơi Nguyễn Xuân Thắng, Khua khul Lý Luận gơnong glông rơwang thun 2026-2031, Khua git gai Ping gah ơi Tô Lâm lăng yôm hơdôm tơlơi pơgôp prong prin mơng Khul Lý Luận gơnong glông amăng djop rơwang hlâo anun, sit biă ñu amăng bruă kơsem min, čih pơkra pơgiong boh tơhnal pơtrun mơng Ping gah, kơ jơlan đĭ chủ nghĩa xã hội ƀơi Việt Nam hăng pơgôp amăng bruă pơjing, pơgiong hơdôm hră pơ-ar yôm phăn mơng Ping gah, sit biă ñu lĕ amăng hơdôm tal Jơnum Ping gah đơ đam dêh čar, črâo ba tui jơlan pơđĭ kyar mơng lŏn ia amăng sui thun.

Lăi nao kơ bruă jao pơ anăp anai, Khua git gai Ping gah rơkâo Khul Lý Luận gơnong glông kiăng tŏ tui pơsit tong hăng hrưn đĭ pran gơgrong phun amăng bruă ba tơbiă boh tơhnal črâo ba mơng Ping gah, amăng rơwang pơđĭ kyar phrâo amăng dêh čar ta. Bruă pơtrut boh tơhnal črâo ba jai yôm phăn yua hơdôm boh tơhnal črâo ba anai pơgôp ngă atur amăng tơlơi pơmĭn, ba jơlan hlâo amăng bruă mă mơng Ping gah hăng tơlơi anăp nao sui pơ anăp, jơlan gah yak nao amăng rĭm rơwang, rĭm rơnuk kiăng pơđĭ kyar lŏn ia ta.