Khua git gai Ping gah lăng yôm tơlơi gir run mơng ƀing apăn bruă, ƀing čih tơlơi pơhing hră pơhing Mơnuih ƀôn sang lơm pơsit tong: Pơpă hơmâo mơnuih ƀôn sang, ƀơi anun hơmâo hră pơhing mơnuih ƀôn sang, ba tơbiă bruă jao kiăng ngă hiưm pă brơi hră pơhing anai jai jê̆ giăm, pơhưč lu mơnuih đok hăng djơ̆ sit nik. Khua git gai Ping gah lăi rơđah, hră pơhing ngă hơkrŭ lăi hrŏm, Hră pơhing mơnuih ƀôn sang lăi phara, kiăng ngă djơ̆, ngă kơtang, ba gru, ngă tơpă, djơ̆ tơlơi kiăng, abih bang.

Hră pơhing kiăng jing hră čih tơlơi pơhing mơng pran mơnuih ƀôn sang, boh pơhiăp mơnuih ƀôn sang, čung ba mơnuih mơnam, hơkrŭ pran đăo gơnang, pơtrut pran hrưn đĭ, ba glăi tơlơi mut hrŏm amăng mơnuih mơnam, Khua git gai Ping gah lăi nao 9 rơkâo kiăng ƀing khua mua, ƀing apăn bruă phun mơng Hră pơhing Mơnuih ƀôn sang gir run pơphun ngă tui pơ anăp anai. Hră pơhing kiăng tŏ tui pơplih kơtang ƀiă dong bruă pôr pơhing amăng plang mơnuih mơnam, rơđah hơnong pơkă, khin hơtai, djơ̆ tơlơi pơkă, kjăp bruă mă, gir run hrưn đĭ lăp djơ̆ tơlơi rơkâo bruă jao phrâo, pơgôp hrŏm hăng Ping gah, abih bang mơnuih ƀôn sang hăng ling tơhan ngă truh kih tơlơi pơtrun mơng Jơnum tal XIV mơng Ping gah yua hơnong pơkă pơjing sa boh dêh čar Việt Nam rơnuk rơnua, rơngai, ngă pô, prong kơtang, pơdrong sah, hiam klă, yâo mơ-ak, kjăp yak đĭ chủ nghĩa xã hội.