Gơgrong mơng ƀon lan, Dak Lak pơhlôm klă brơi rĭm pok hră plĕ
Thứ năm, 09:00, 12/03/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Bruă pơhlôm rơnuk rơnua, hơđong brơi hrơi plĕ hră ruah Khua pơ ala mơnuih ƀôn sang dêh čar tal XVI hăng khua mua Jơnum min pơ ala mơnuih ƀôn sang djop gưl rơwang thun 2026-2031 ƀơi Dak Lak glăk hơmâo pok pơhai ha amăng plĕ, khut khăt, kiăng rĭm pok hră mơng mơnuih ƀôn sang ruah khua hơmâo plĕ ƀơi anih pơhlôm rơnuk rơnua, hơđong hăng djơ̆ tơlơi phiăn.
Tơring čar Dak Lak hơmâo rơbêh 2,4 klăk čô mơnuih ƀôn sang ruah khua hăng 2.120 anih plĕ hră. Tui Đại tá Lê Hữu Tuấn, kơ-iăng Khua kông ang tơring čar Dak Lak, truh ră anai bruă pơhlôm rơnuk rơnua, hơđong brơi kơ hrơi plĕ hră amăng tơring čar hơmâo pok pơhai ha amăng plĕ hăng kjăp hloh.
Tơhan kông ang gum hrŏm hăng Jơnum min plĕ hră djop gưl ngă tui dưm anăn mơnuih ƀôn sang amăng măi mok, djru bruă in hăng ngă brơi kak kơ mơnuih ƀôn sang ruah khua djơ̆ tơlơi pơkă. Hrŏm hăng anun, abih bang 102 boh să, phường amăng tơring čar hơmâo pel ĕp, kah pơpha hơdôm kual plĕ hră tui tlâo gưl pơhlôm rơnuk rơnua kiăng pơjing hơdră wai pơgang lăp djơ̆.
Viết bình luận