VOV4.Jarai-Amăng jơlan hơdră nao čuă sit nik dêh čar Czech, ƀơi plơi prong jưh jom Praha, Khua dêh čar ơi Phạm Minh Chính nao čuă, juh alum pran jua mơnuih ƀôn sang Việt Nam ƀơi Sang sĭ mơdrô pơprong Sapa.

VOV4.Jarai-Pok pơhai bruă hơbot anih anom mă bruă tui tơlơi črâo trun mơng gơnong glông, 6 čô kơ-iăng khua hơdôm gơnong bruă ƀơi Dak Nông ngă hră pơ-ar rơkâo pơdơi lơtret tañ ƀiă.

VOV4.Jarai - Mơguah lơ 20/1/2025, Ding jum kơđi čar, Grŭp ding kơna git gai Ping gah pơphun pơbưp ƀô̆ mơta ƀing khua mua git gai, khua mua git gai hơđăp Ping gah, Kơnuk kơna, Jơnum min djop djuai ania mơnuih mơnam dêh čar Việt Nam, Ding kơna Ping gah dêh čar hơdôm tal ƀrô djơ̆ hrơi hơdor glăi 95 thun Hrơi akô̆ pơjing Ping gah hăng hơ-ưč hmưi Tết ƀrô djơ̆ tal Bơyan bơnga Ất Tỵ.

VOV4.Jarai-Thun 2024, mơnuih ƀôn sang tơring glông giăm guai Dak Mil, tơring čar Dak Nông hơmâo blơi rơbêh 1.000 boh rơdêh ôtô yua gơnam đang hmua đĭ nua kơtang.

VOV4.Jarai-Tŏ tui hơdôm bruă mă amăng hơdôm tal nao čuă sit nik pơ dêh čar Czech, mơmŏt lơ 19/1, ƀơi plơi prong jưh jom Praha, Khua dêh čar ơi Phạm Minh Chính nao lăng jơlan hơdră bơyan bơnga plơi pla lŏn ia thun 2025 hăng pơpŭ thun phrâo mơnuih ƀôn sang Việt Nam ƀơi dêh čar Czech.

VOV4.Jarai - Lơ 19/1, Thượng tướng Trần Quang Phương, Kơ-iăng Khua git gai pơ ala mơnuih ƀôn sang dêh čar hmâo nao čuă, brơi gơnam tam Tết kơ mơnuih mă bruă hăng mơnuih apăn bruă tơhan, ling tơhan, mơnuih ƀôn sang tơring čar guai dêh čar pơ̆ Ea Sup, tơring čar Dak Lak.

VOV4.Jarai - Mơmot lơ 19/1, ƀơi Anom jơnum bruă Lŏn ia, pơ̆ Hà Nội, Khua mir sir dêh čar ơi Lương Cường hăng Bơnai ñu hmâo nao pơhmư̆ laih Jơlan hơdră adôh suang Bơyan bơnga plơi pla 2025 hăng anăn ñu “Việt Nam – Hrưn đĭ amăng rơnuk phrâo”.

VOV4.Jarai - Ping gah tơring čar – Khul Khua pơ ala mơnuih ƀôn sang – Jơnum min mơnuih ƀôn sang – Jơnum min djop djuai ania mơnuih mơnam dêh čar Việt Nam tơring čar Lâm Đồng phrâo pơphun bơkơtuai kơplah wah khua git gai tơring čar Lâm Đồng hăng khua pơ ala hơdôm gưl mơnuih ƀôn sang. Khua git gai tơring car Lâm Đồng ruah mă laih anăn ñu “Khom ngă hơget pioh Lâm Đồng pơđĭ kyar?”, hăng čang rơmang hmâo mă lu tơlơi gum pơgiăp mơ̆ng mơnuih ƀôn sang amăng mông bơkơtuai. Lu bôh yôm kiăng đing nao hmâo lăi truh, amăng anun hmâo tơlơi pơkă kual yôl, pioh sui thun, bơdjơ̆ nao tơlơi pơđĭ kyar bơwih ƀong – mơnuih mơnam ƀơi tơring čar.

VOV4.Jarai - Ƀrô hrơi Tê̆t thun phrâo Ất Tỵ 2025 hăng anăp nao ngă lơphet 95 thun Hrơi akŏ pơjing Ping gah cộng sản Việt Nam, tlam lơ 17/1, ƀơi Hà Nội, Khua git gai Ping gah ơi Tô Lâm nao tŭi ñang hơ-ŭ kơ Khua git gai Ping gah hơđăp rơgŏm ơi Lê Duẩn, Đỗ Mười, Lê Khả Phiêu ƀơi sang anŏ gơñu.

VOV4.Jarai-Yang hrơi dong lơ 17/1 (tui mông ƀơi dêh čar Ba Lan), ƀơi Ƀirô Khua pơ ala mơnuih ƀôn sang dêh čar Ba Lan, Khua dêh čar ơi Phạm Minh Chính hơmâo mông bưp hăng Khua git gai pơ ala mơnuih ƀôn sang gơnong yŭ dêh čar Ba Lan Szymon Holownia.