Rơwang bruă tuh pơplai pơdŏng Tơdrun tum păn dŭ pơgiăng gơnam mơ̆ng tơdrŏn rơdêh por Long Thành (Đồng Nai) rơwang sa hmâo abih bang prăk tuh pơplai rơbêh kơ 109 rơbâo klai prăk, pơkă hlâo pơdŏng giong amăng thun 2026. Ngă tui tơlơi črâo ba mơ̆ng Khua dêh čar, hơdôm hrơi rơgao, Ding jum man pơdŏng hăng hơdôm mơnuih tuh pơplai hmâo pok pơhai hơdôm jơlan gah pioh ngă ƀiă hĭ rơnoh pơdŏng rơwang bruă, kiăo tui anun amra ngă giong rơwang bruă amăng thun anai.

Mă bruă hăng hơdôm ding jum, gơnong bruă, tơring čar, pô tuh pơplai, mơnuih gơgrong man pơdŏng, Khua dêh čar ta ơi Phạm Minh Chính lăi rơđah, Rơwang bruă tơdrun tum păn dŭ pơgiăng gơnam gah tơdrŏn rơdêh por Long Thành hmâo bôh tŭ yua yôm phăn. Tơdơi kơ hơdôm tơlơi gir run, pran pơsit, rŭp mơ̆ng tơdrun tum păn dŭ pơgiăng gơnam gah tơdrŏn rơdêh por rơnuk anai pơdah rơđah laih. Rơkâo khom hrưn đĭ truh abih lơ 31/12/2025 phun ñu pơdŏng giong rơwang bruă pioh čơkă tal por blung a, Khua dêh čar črâo rơđah hơdôm rơwang bruă ăt ƀu pơplih mơn tơhnal ba tơbiă; hơdôm ding jum, gơnong bruă, tơring čar, pô gơgrong man pơdŏng leng kơ khom gir run, đing nao pơtrut tañ bruă man pơdŏng./.