Klah čun ƀơi mông jơnum, Kơ-iăng Khua dêh čar ơi Mai Văn Chính lăng yom hơdôm bruă mă mơ̆ng djop ding jum, anom bruă ƀơi gơnong dlông hơmâo kah pơpha rơnoh prăk tuh pơ alin kơ bruă čar thun 2025 ăt lu mơ̆n. Hăng hơdôm ding jum, anom bruă ƀơi gơnong dlông kaih tuh pơ alin yua gun kơ bruă pơklaih ala lŏn či čuk pơkra man pơdong, bruă ngă rơnang hĭ, gun yua kơ lŏn mơnai, Kơ-iăng khua dêh čar ơi Mai Văn Chính rơkâo sem lăng, pơtong glăi rơđah, brơi git gai, pơčrâo bruă djơ̆ pô, djơ̆ tơlơi glăm ba, tŭ yua sit nik.

Kiăng pok pơhai djơ̆ rơnoh prăk tuh pơ alin kơ bruă čar thun 2025 dưi djop 95% akŏ bruă mơ̆ng khua dêh čar jao, Kơ-iăng khua dêh čar rơkâo djop anom bruă, ding jum pơtrut bruă kah pơpha hăng mă yua prăk tuh pơ alin thun 2025, amăng anun tơdah ngă kaih hloh lĕ rơnuč blan 3 khom ngă djop tum teč bruă pơkă hơnơ̆ng, jŭ yap rơnoh prăk tuh pơ alin kơ bruă čar thun 2025.