Amăng mông bơkơtuai, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải lăi pơthâo hơdôm tơlơi găn rơgao mơ̆ng Việt Nam amăng pơđĭ kyar bruă đang hmua, pơjing hơdră OCOP (rim plơi sa gơnam), hăng rơkâo Sri Lanka pơkiăo rai sa grŭp mơnuih rai pơ̆ Việt Nam lăi pơthâo rơđah hloh amăng bruă anai.

Dua bơnah tŭ ư kơtưn bơkơtuai grŭp, pơbưp gưl dlông hăng hơdôm gưl, pơtrut kơtang bruă bơkơtuai mơnuih ƀôn sang, pơphun hơdôm bruă mă sit nik hơdor glăi 55 thun hrơi akô̆ pơjing bruă pơtom hiăp. Dua bơnah ăt tŭ ư hrŏm mơn pơtrut pok pơhai dong hơdôm tơlơi pơkôl hmâo kĭ, pok prong gum hrŏm, ngă adơi ayong kơplah wah hơdôm anih anom tơring čar, pơtrut gum hrŏm bôh thâo đưm, pơtô pơhrăm, tuai čuă ngui, tơlơi đăo phơ̆t, pơtrut pơsur čơđai gưl dlông Sri Lanka rai pơhrăm ƀơi dêh čar Việt Nam./.