Khua dêh čar ta ơi Phạm Minh Chính pơtŏng sit, Việt Nam lăng yôm tơlơi rô nao rai mơ̆ng hlâo giăng mah, Bơnah gum hrŏm pơhlôm akô̆ tlôn Việt Nam hăng dêh čar Nga; mơ-ak yua kơ tơlơi pơđĭ kyar hur har kơplah wah dua bôh dêh čar amăng abih bang bruă, biă ñu bruă bơkơtuai nao rai grŭp gưl dlông pơphun na nao, gum hrŏm bơwih ƀong – sĭ mơdrô – tuh pơplai, bôh thâo đưm, tuai čuă ngui, pơtô pơhrăm ba glăi lu bôh tơhnal klă.

Đăo kơnang tal rai čuă anai mơ̆ng Khua kual lŏn Tatarstan ƀơi dêh čar Việt Nam amra djru pơtrut gum hrŏm kơplah wah dua bơnah tơring čar, ƀôn prong mơ̆ng Việt Nam, djru pơtrut tơlơi rô nao rai gum hrŏm pơhlôm akô̆ tlôn Việt Nam – Nga. Khua dêh čar ta ơi Phạm Minh Chính rơkâo bơnah Tatarstan pơtrut klă gum hrŏm hăng hơdôm bôh tơring čar, ƀôn prong mơ̆ng dêh čar Việt Nam, biă ñu pơtrut kơtang bơkơtuai mơnuih ƀôn sang, tô nao rai kơplah wah mơnuih ƀôn sang dua bôh dêh čar amăng hơdôm hrơi pơ̆ anăp./.