Pơhiăp git gai jơnum, Khua mir sir ơi Lương Cường bơni, čih pioh hăng lăng yom bruă mă, boh tơhnal laih anun bruă ngă khut khăt mơ̆ng Ping gah, gong gai kơnuk kơna, ling tơhan hăng mơnuih ƀôn sang tơring čar Hưng Yên hơmâo ngă thun blan laih rơgao.

Lăi pơtong, thun blan pơ anăp adih, mơ̆ng ră anai truh abih thun 2025 hơmâo lu bruă mă phun yom, amăng anun lu tơlơi jơnum pơprong amăng dêh čar, laih dơ̆ng anŏ gêh găl thun tal rơnuč ngă tui pơtrut pơđĭ kyar hmar hloh sa rơwang bruă Hră pơtrun ping gah tal XIII, Khua mir sir rơkâo anom bruă ping gah tơring čar, khul apăn bruă phun ping gah tơring čar ăt sem glăi djop hơdră pok pơhai, bruă či ngă, pơđĭ tui anŏ gêh găl, pran kơtang pioh Hưng Yên yak nao hmar, kơjăp, hơđong djop mơta bruă, boh nik ñu ba akŏ amăng bruă ngă tui djop tơhnal pơkă ĕp lăng.