Pơhiăp git gai mông jơnum, Khua mir sir ơi Lương Cường, pơtŏng glăi thun laih rơgao, Anom bruă Khua mir sir hơmâo lu tơlơi gir run găn rơgao tơnap tap, ngă hrom hăng hơdôm anom bruă bơdjơ̆ nao pơsir lu bruă prong, hơmâo ngă na nao, ječ ameč, djru brơi Khua mir sir, Kơ-iăng khua mir sir dưi ngă truh kih bruă hơmâo jao.

Lăi dlăm, mut thun phrâo 2026, bruă jao kơ Anom bruă mir sir jai prong, hlom bom hăng tơnap hloh, amăng hrơi mông bruă mă lu, bruă kiăng pơsir prong tui, Khua mir sir kiăng Anom bruă khua mir sir pơtrut tui hơdôm tơlơi dưi ngă, pơƀut lăi pơthâo pơphô brơi lăp djơ̆, rơgơi mơbruă, pơhlôm kiăng tañ, tơpă sit, hơdôm bruă mă mơ̆ng Khua mir sir, Kơ-iăng khua mir sir; laih dong lăi pơthâo, ngă hrŏm tŭ yua hăng hơdôm anom bruă bơdjơ̆ nao lơ̆m pok pơhai tơlơi pơtrun prong mơ̆ng Ping gah, Kơnuk kơna pơlir hăng ngă tui Tơlơi pơtrun jơnum ping gah dêh čar tal 14, gum bong kjăp rơnuk rơnua kơđi čar, hơkrŭ tui pran jua đăo kơnang mơ̆ng mơnuih ƀôn sang, ngă atur kjăp phik kơ bruă pơplih phrâo, akŏ pơdong hăng pơgang Lŏn ia.