Khua dêh čar ơi Phạm Minh Chính lăi pơtong, Viet Nam lăng yom na nao hăng pioh tơlơi đing nao hlâo hloh kơ bruă ngă giăng mah yom phara plah wah Viet Nam-Lao laih anun ăt gir run pơtrut djru dêh čar Lao akŏ pơjing atur tơlơi bơwih ƀong huă rơngai hơjăn, ngă pô, pơđĭ kyar mơnuih mă bruă thâo rơgơi phrâo; laih dơ̆ng rơkâo dua bơnah kơtưn ngă hrŏm pơtruh nao rai plah wah dua bơnah dêh čar, ngă hrŏm kah pơpha djru nao rai tơdruă tơlơi thâo thăi amăng bruă mă, yua boh tŭ yua sit nik mơ̆ng mơnuih ƀôn sang dua bơnah.

Khua dêh čar lăng yom bruă ngă hrŏm jai hrơi tong ten, tŭ yua, kơ mơnuih ƀôn sang dua bơnah. Khua dêh čar lăng yom bruă ngă hrŏm mơak klă, tong ten mơ̆ng dua bơnah ding jum pơtom hiăp, pok pơhai ngă tui tơlơi pơkôl pơkă hăng lu boh yom phun hăng lu mơta, sit nik, djru hrŏm prong amăng bruă pơgang pioh laih anun pơđĭ tui tơlơi giăng mah pŭ ƀăn  yom phara plah wah dua bơnah ping gah, dua kơnuk kơna hăng mơnuih ƀôn sang Việt Nam-Lao.