VOV4.Jarai - Thun 2024 lĕ thun hơdôm bôh tơring čar kual Dap Kơdư hmâo lu bôh than biă wot pơđĭ kyar bơwih ƀong hăng pơđĭ dlông tơlơi hơdip mơda mơnuih ƀôn sang. Lu tơhnal gal prong ăt pok tơbiă hăng kual lơm hmâo lu hơdră bruă phrâo dưi mă yua, prong jơlan kơ Dap Kơdư pơđĭ kyar. Ngă tui anô̆ gal bruă đang hmua, lŏn čuah bôh pơtâo, tuai čuă ngui, hrŏm hăng tơhnal gal mơ̆ng hơdôm hơdră bruă phrâo, mơnuih ƀôn sang djop djuai ania kual Dap Kơdư hơč mơ-ak yak mut thun phrâo pơdŏng sa rơwang pơđĭ kyar phrâo bă kơ tơlơi čang rơmang.

VOV4.Jarai - Thun 2024, hăng pran jua gir kơtang, gơgrong bruă mơ̆ng djŏp gưl, amom bruă hrŏm hăng tơlơi gir run gum ngă mơ̆ng anom bơwih ƀong wơ̆t hăng abih bang mơnuih ƀôn sang, tơlơi bơwih ƀong huă mơnuih mơnam tơring čar Kon Tum đĭ kyar kơtang, ba glăi tơlơi mơ-ak mơ-ai kơ thun phrâo 2025.

VOV4.Jarai-Hăng tơlơi gir run lu mơ̆ng djop gưl anom bruă, hơmâo tơlơi gum tơngan hrŏm mơ̆ng ƀing čơmah, thun 2024, tơring glông Mdrak, tơring čar Dak Lak hơmâo pơƀut hơdôm klai prăk man pơdong phrâo 250 boh sang hăng ming pơkra glăi 190 boh sang tơ̆i phŏ kơ mơnuih ƀôn sang kơƀah prăk ngă sang. Hơdôm boh sang phrâo pơdong hiam rơgoh djru kơ hơdôm rơtuh boh sang anŏ hơmâo anih dŏ hơđong kơjăp. Mơnuih ƀôn sang hok mơak yơh čơkă thun phrâo Ất Tỵ 2025 gir run kiăng hơmâo tơlơi hơdip trơi pơđao.

VOV4.Jarai-Tơdơi kơ 65 thun arăng ĕp ƀuh amăng glai klô Phong Nha-Kẻ Bàng, tơring čar Quảng Bình, djuai ania Ruk tơbiă mơ̆ng anih dŏ hơđăp amăng rơ-ưng pơtâo gŭ čư̆ siăng, pơdong plơi phrâo bơwih ƀong huă pơđĭ kyar tui. Mơ̆ng djuai ania hyu dŏ prah prang đôč, jing mơnuih kah hăng hơtai glai, ră anai mơnuih ƀôn sang djuai ania Ruk thâo mă bruă bơwih ƀong huă, man pơdong plơi pla. Yak nao amăng rơnuk hrưn đĭ mă pô pơblih phrâo djuai ania Việt Nam ta, djuai ania Ruk hơmâo lu boh tơhnal tŭ yua pơđĭ kyar bơwih ƀong huă.

VOV4.Jarai - Ƀrô hrơi čơkă Tê̆t ngă yang thun phrâo Ất Tỵ 2025, Khua mir sir ơi Lương Cường, Khua khul wai lăng ling tơhan hăng rơnuk rơnua, Khua tơhan blah ngă hơmâo nao čuă, bơni hơ-ơč kơ Khul tơhan git gai tơhan rŭi hyu hơdeč Cảnh sát cơ động (Ding jum kông an).

VOV4.Jarai-Tlam lơ 23/1, ƀơi Ƀirô Ping gah pơphun yôm phăn jơnum Khul apăn bruă Ping gah tal XIII. Khua git gai Ping gah dêh čar ơi Tô Lâm git gai hăng hơmâo mông pơhiăp pok pơphun yôm phăn mông jơnum anai.

VOV4.Jarai - Hlâo kơ Tết tui phiăn juăt Ất Tỵ 2025, mrô tuai mơ̆ng Dak Lak nao pơ̆ hơdôm bôh tơring čar kual Tŏng Krah dêh čar hăng kual Kơdư dêh čar glăk đĭ lu, nua hră đĭ rơdêh ăt hmâo đĭ mơ̆n truh ha mơkrah.

VOV4.Jarai - Čơtlăm lơ 23/1, Khua dêh čar ơi Phạm Minh Chính hăng Bơnai ñu hrŏm hăng grŭp khua pơ ala gưl dlông Gong gai dêh čar Việt Nam hmâo glăi truh laih pơ̆ Hà Nội, pơđut klă hiam tal nao čuă dêh čar Ba Lan, Séc hăng nao pơhmư̆ Jơnum tui tơđar tal 55 Bơkơtuai bruă bơwih ƀong Rŏng lŏn tơnah ƀơi Davos, dêh čar Thụy Sĩ.

VOV4.Jarai-Hơdôm hrơi anai, hơdôm bruă bơwih brơi tết kơ mơnuih ƀun rin glăk hơmâo pơphun pok prong lu anih ƀơi hơdôm kual tơnap tap amăng tơring čar Dak Lak. Hăng tơlơi gir run mơng djop khul grup, ƀing mơnuih hăng hơdôm ngăn rơnoh pơgôp mơng mơnuih mơnam, ƀing mơnuih tơnap tap, ƀun rin ƀơi Dak Lak hơmâo đing nao, djru brơi gơnam tam hăng juh pơ alum pran jua.

VOV4.Jarai-Ƀrô čơkă têt Ất Tỵ, mơguah tom brơi, lơ 23/1, jing lơ 24 blan čap, Grup khua mua git gai ping gah, lŏn ia hrŏm hăng djop ding jum, anom bruă ƀơi gơnong dlông hăng ƀôn prong Hà Nội nao dưm guang bơnga hăng mut čuă pơsat jep Khua mir sir Hồ Chí Minh.