Mông jơnum hơmâo pơphun amăng hrơi abih bang anom bruă kơđi čar glăk ječ ameč dăp glăi anom bruă kơnuk kơna. Kơ bruă anai, Khua git gai pơ ala mơnuih ƀôn sang ơi Trần Thanh Mẫn brơi thâo, rơwang sa, hơdôm ding jum, anom bruă hơmâo dăp glăi laih anom bruă kơnuk kơna, rơwang 2 lĕ čih pơkra glăi Phiah Phiăn dêh čar, pơkra glăi hơdôm tơlơi phiăn hăng dăp glăi 50% anom bruă mơ̆ng tơring čar.

Jơnum lok 9 him lăng jơnum amăng 2 blan, amăng hrơi blan anai amra mă tơlơi pơgôp hiăp mơ̆ng mơnuih ƀôn sang kơ čih pơkra glăi Phiah Phiăn. Yôm biă ñu, mơ̆ng rơnuč blan 4 truh akŏ blan 5, Jơnum min apăn bruă phun pơ ala mơnuih ƀôn sang dêh čar ăt jơnum lu wơ̆t či dăp glăi anom bruă gưl să. Hơdôm tơlơi phiăn hơmâo bơkơtuai amăng mông jơnum anai pơplih glăi lu bruă phara, amăng anun hơmâo tơlơi phiăn yôm, bơbjơ̆ nao prong biă hăng bruă pơkra gơnam sĭ mơdrô wơ̆t hăng anom bruă bơwih ƀong./.