Pơtum glăi mông ngă bruă, Kơiăng khua dêh čar ơi Hồ Đức Phớc lăi rơđah: Sang bruă prăk djru mơnuih tơnap jing sa amăng hơdôm gong tơmeh phun amăng hơdră djru hrŏ trun ƀun rin, pơhlôm tơlơi hơdip mơda kơ mơnuih ƀôn sang ƀơi Việt Nam, bơwih brơi mơnuih ƀun rin, hăng sang anŏ hơmâo anăn kơnuk kơna djru, ƀu pioh lui pô hlơi gah tlôn.

Hăng hơdră ngă bruă pơčeh phrâo rơgơi, anom bruă jai hrơi kjăp, apăn bruă, bơwih klă brơi ƀing tuai jing mơnuih ƀun rin hăng sang anŏ hơmâo anăn kơnuk kơna djru pơkŏn dong. Kơ-iăng khua dêh čar ăt pơgôp hiăp hăng hơdôm tơlơi rơkâo đĭ rơđah rơđông mơ̆ng Sang bruă prăk, jao kơ hơdôm Ding jum anom bruă pơsir hăng pơphô brơi pơsir bruă tui hăng tơlơi dưi. Kơ-iăng khua dêh čar čang rơmang hăng đăo kơnang hrơi blan pơ anăp, Sang bruă prăk djru mơnuih tơnap amra đĭ kyar kjăp kơtang hloh, djơ̆ hăng tơlơi kiăng đĭ kyar mơ̆ng mơnuih tơpuôl.