Khua dêh čar ơi Phạm Minh Chính brơi thâo, Việt Nam ƀuăn mă yua truh 20% mrô ngăn drăp kơnuk kơna brơi bruă pơtô pơjuăt kiăng hrưn đĭ tơlơi thâo thăo, pơtô hrăm mơnuih mă bruă, pơtô ba ƀing rơgơi, pơđĭ kyar ană mơnuih hơdip klă, thâo thăi, bơrơkjăp drơi jăn, hiam drơi jăn; čang rơmang hơmâo tơlơi gum hrŏm, ngă hrŏm hăng dêh čar Mi amăng pơđĭ kyar bruă pơtô pơjuăt.

Hăng tơlơi pơmĭn “lăng yôm tơlơi thâo thăi, hrơi blan hăng ngă bruă khut khăt”, “ngă klă kiăng klă ƀiă dong, tŭ yua kiăng tŭ yua ƀiă dong”, Khua dêh čar ơi Phạm Minh Chính đăo gơnang ngă hrŏm amăng pơtô pơjuăt kơplah wah Việt Nam-Mi pơ anăp anai amra dơlăm tui, tŭ yua ƀiă dong, pơgôp amăng pơđĭ kyar ƀơi rĭm boh dêh čar, djuai ania hăng tơlơi rô nao rai ngă hrŏm djop mơta kơplah wah dua boh dêh čar, kah hăng brơi bruă pơhlôm rơnuk rơnua, hơđong, ngă hrŏm, pơđĭ kyar amăng kual hăng rŏng lŏn tơnah.