Khua git gai pơ ala mơnuih ƀôn sang dêh čar ơi Trần Thanh Mẫn mơ-it nao tơlơi tơña bla mơng Khua git gai Ping gah dêh čar ơi Tô Lâm, Khua mir sir ơi Lương Cường hăng Khua dêh čar ơi Phạm Minh Chính kơ Khua mir sir Vahagn Khachaturyan; lăi pơtong mơnuih ƀôn sang Việt Nam lêng kơ hơdor tơngia tơlơi gum djru yôm phăn mơ̆ mơnuih ƀôn sang Armenia brơi kơ Việt Nam amăng rơnuk blah wang pơklaih rơngai lŏn ia hăng amăng pơjing, pơđĭ kyar lŏn ia.

Dua čô khua hok mơ-ak ƀơi anăp tơlơi yak nao pơđĭ kyar amăng tơlơi rô nao rai Việt Nam-Armenia amăng djop mơta bruă; tŭ yap bruă tŏ tui pơbưp nao rai khua mua djop gưl, sit biă ñu lĕ pơbưp nao rai khua mua amăng hơdôm plang hơmâo pok pơhai klă, tŭ yua kiăng tŏ tui hơkrŭ tơlơi rô nao rai hăng đăo gơnang tơdruă, lăp djơ̆ hăng tơlơi dưi mơng dua bơnah; lăng yôm bruă pơđĭ kyar amăng ngă hrŏm bơwih ƀong huă-sĭ mơdrô mơng dua bơnah, sit biă ñu lĕ amăng hơdôm thun giăm anai tơdơi kơ tơlơi pơkôl sĭ mơdrô rơngai kơplah wah Việt Nam hăng Khul pơlir bơwih ƀong Asia-Mi kô̆ hơmâo ngă tui mơng thun 2016.