Amăng Hră čih anăn mơnuih nao mơyut, ơi Nguyễn Thanh Nghị čih tơlơi rơngôt kơtang biă mă hăng tơlơi djai mơ̆ng sa čô gơyut gơyâo, giăng mah mơ̆ng mơnuih ƀôn sang Việt Nam lăi hrŏm hăng ƀôn prong Hồ Chí Minh lăi hơjăn. Rơgŏm ơi Khamtay Siphandone hơmâo tơlơi gum pơgôp prong biă mă amăng tơlơi rô nao rai giăng mah pŭ ƀăn, gum pơgôp yôm pơphăn hăng ngă hrŏm abih bang kơplah wah Việt Nam hăng Lao.

Khua mua ƀôn prong Hồ Chí Minh pơsit amra djă pioh, pơđĭ tui tơlơi rô nao rai klă hiam kar hăng adơi ayong pô kơplah wah ƀôn prong Hồ Chí Minh hăng hơdôm boh tơring mơ̆ng dêh čar Lao, ngă brơi tơlơi rô nao rai Việt - Lao jai hrơi mơtah hiam, kjăp phik. Pơ ala kơ khua mua Ping gah ƀôn prong, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam ƀôn prong Hồ Chí Minh hăng mơnuih ƀôn sang ƀôn prong, ơi Nguyễn Thanh Nghị mơ-it tơlơi hning rơngôt dlăm biă hăng Ping gah, Kơnuk kơna, Mơnuih ƀôn sang Lao hăng sang anŏ rơgŏm ơi Khamtay Siphandone, čang rơmang kiăng tañ mă glăi pran jua, plai ƀiă hning rơngôt./.