Pơ ala ƀing khua mua Ping gah, kơnuk kơna, mơ-it nao tơlơi tơña bla, hơdor tơngia hăng pran jua khăp pap hloh tơl ƀing tơhan, hlăk ai djru blah wang hơđăp, tơhan wai pơgang plơi pla, ƀing amĭ Việt Nam sông kơtang, hơdôm sang anŏ djru hơkrŭ, laih dong ƀing tơhan rơka, sang anŏ tơhan djai pơsăn drơi amăng đơ đam dêh čar; Khua git gai Ping gah pơsit tong, tal blah dưi bơyan bơnga thun 1975 ƀu djơ̆ kơnong ba glăi tơlơi dưi hing ang mơng dêh čar Việt Nam đôč ôh mơ̆ ăt ba glăi kơdrưh ang, pơtrut kơtang bruă kơdong glăi ayăt pơklaih rơngai lŏn ia amăng rŏng lŏn tơnah.

Anai lĕ tơlơi dưi mơng pran khăp kơ lŏn ia, pran gum pơgôp djop djuai ania. Anai lĕ tơlơi dưi mơng hơdôm klăk čô mơnuih anet kret kruai samơ̆ hơmâo pran kơtang, amra tuh rơyuh pran jua, kah hăng tuh drah pơčah asar kiăng lŏn ia ta rơnuk rơnua hăng pơlir hơbit, kiăng lŏn ia ta rơngai.

Khua git gai ping gah pơsit tong: Ping gah, kơnuk kơna lêng kơ lăng yôm bruă “Hơdor tơngia”, hơdră djru brơi mơnuih ngă hơkrŭ ƀu pơdơi klă tui, jai pơhlôm ha amăng plĕ, hiam klă hăng sit nik.