Tơdơi kơ hmư̆ tơlơi lăi pơthâo mơ̆ng Ding jum sĭ mơdrô, tơlơi pơgôp hiăp mơ̆ng ding jum, anom bruă kơnuk kơna, đĭ pơhiăp klah čun glăi, Khua dêh čar ơi Phạm Minh Chính lăi lĕ, truh mông anai, gah dêh čar Mi hơmâo lăi pơthâo hrơi mông tong ten laih pioh bơkơtuai nao rai, brơi ƀuh anun jing sa tơlơi ngă kiăng brơi tơlơi gêh găl, tui tơlơi ñu ƀuăn lơ̆m bưp khua mua pơprong dua bơnah phrâo anai. Khua dêh čar git gai, amăng tal bơkơtuai nao rai, tui hluai tơlơi pơhing sit nik, anŏ pơblih hiưm pă, dưi ming pơkra glăi hrơi mông kiăng găl brơi dua bơnah.

Khua dêh čar brơi prăp lui tong ten bruă či  lăi, tơlơi bơkơtuai nao rai, tui hăng tơlơi rơkâo mơ̆ng Việt Nam laih anun tơlơi kiăng mơ̆ng dêh čar Mi, lăng nao kơ boh tơhnal kơsem min, djop tơlơi găl tum teč mơ̆ng Việt Nam hăng pơhlôm djơ̆ tui tơlơi pơkôl hăng jar kmar kiăng pơdah thâo hơdră bơkơtuai lăp djơ̆, pơdah rai bruă mă pơdjru ngă klă, mơak nao rai hăng biă mă ñu ngă hrŏm tong ten, tui tơlơi kiăng hrŏm giăng mah mơak samơ̆ khom tơpă ară, tong ten, tơlơi kiăng khom khut khăt.