Khua git gai ping gah ơi Tô Lâm bơni kơ hơdôm khul gum hrŏm ngă bruă hơmâo gir run pok pơhai lu hơdră kiăng ba boh yom phun Hră pơtrum 57 mơ̆ng Ding jum kkơđi čar ngă tui sit nik amăng tơlơi hơdip mơda. Khă hnun, Khua git gai ping gah ăt lăi lĕ, bruă pơblih yua ia rơgơi mrô, ba yua boh thâo kơsem min ia rơgơi phrâo, boh nik ñu mă yua boh thâo ia rơgơi amăng sang bruă pơkra ming gơnam sĭ mơdrô, ƀơi hơdôm tơring čar ăt dŏ sư̆ rơbư̆ đôč, tơnap tap hăng kơƀah tơlơi thâo.

Lăi nao kơ bruă mă hơduah ĕp ia rơgơi phrâo pơ anăp, ngă pô ba yua djơ̆ lăp ia rơgơi phrâo, khom ruah mă mơ̆ng tơlơi thâo thăi ƀơi jar kmar, biă mă ñu hơdôm dêh čar ba akŏ amăng bruă pơkra ming boh thâo ia rơgơi pơčeh phrâo, Khua git gai ping gah ơi Tô Lâm pơtrun hiăp kơñ pơgi djop ding jum, anom bruă, tơring čar khom pơsir hĭ hơdôm tơlơi dŏ gun ngă tơnap amăng bruă pok pơhai sit hơmâo dơ̆ng tơlơi dŏ gun lơ̆m mă bruă.