Khua dêh čar lăi pơtong, pran jua tơlơi kiăng amăng bruă mă “Tơring čar pơsit mă, tơring čar ngă tui, tơring čar pô gơgrong ba”, hrŏm hăng bruă pơpha mơnuih apăn bruă, pơđĭ tơlơi thâo amăng bruă mă laih anun kơtưn bruă khom krăo lăng, pel ĕp, pơgăn tơlơi soh ƀong kông ngăn. Khua dêh čar rơkâo kơ Ding jum Tơlơi phiăn hăng Ding jum bruă čar khom bơ tŭ ư hĭ mrô rơnoh pơkă hơdôm tơlơi dưi pơpha bruă mă, tơlơi dưi mơ̆ng Kơnuk kơna trun pơ djop ding jum, anom bruă, tơring čar; amăng anun hơmâo 28 mơta hră pơtrun čih pơkra laih truh lơ 30/5, abih bang 28 pok hră pơtrun khom pơtong glăi laih anun pơtum glăi, lăi pơthâo kơ Ding jum kơđi čar.

Khua dêh čar lăi lĕ, mơ̆ng ră anai truh lơ 10/6, djop ding jum, anom bruă čih pioh tơlơi pơgôp hiăp, jŭ yap glăi boh yom phun kiăng pok pơhai mă bruă djơ̆ hăng anŏ hơmâo sit nik, ƀu lui hĭ soh sel hăng pơrơkua nao rai.....Ƀing kơ-iăng khua dêh čar dưi jao bruă khom jŭ yap glăi, ngă pơgiong hĭ hăng kaih hloh truh lơ 15/6 khom čih pơkra giong djop hră pơtrun anai. Tơdơi kơ anun, him lăng jơnum lăi pơthâo truh pơ djop tơring čar, kaih hloh truh lơ 18/6 khom giong yơh.